Sangailien ti Maysa a Siensia Cristiana a Lektyur

• Mairekomendar unay daytoy nga irugi, sakbay nga agaramid iti uray ania a banag iti panagpampanunot maipapan kadagiti sumaganad a teksto, ken ti pannakailawlawag dagitoy kadagiti timpuyog a nairaman iti panangimaton iti lektyur.

  • Church Manual dagiti Paglintegan maipanggep iti lektyur (pp. 93–96)

  • Surat a nagapu ken ni Misis Eddy para iti Hunta iti Lektyursip a naiprinta iti First Church of Christ, Scientist and Miscellany, pp. 248–249

  • Dua a nabiit pay a naiwarnak nga artikulo manipud iti Hunta iti Lektyursip (kitaen dagiti silpo iti ngato)

• Mairekomendar met a dawatenyo kadagiti amin a miembro ti napasnek a kararag a mangsuporta iti lektyur nga aktibidad a nasapa iti panagsagsagana, ken agtultuloy dayta a kita ti suporta iti dagup ti tawen!

• Ti panagkarkararag nga agtitipon a kas maysa a simbaan tapno amirisen ti gagangay a panangawat ti sangkataoan iti Manangliwliwa, ti panag-alsa nga aktibidad iti nasantuan a Kinapudno iti biagtayo, a kinapudnona, mabalinna a maluktan ti dalan nga agturong iti panagplano ti lektyur, nga isu ti maysa a panangisawang iti Kinapudno a mangyeg iti panangagas iti uneg ti simbaan ken iti komunidad.

• Ti maysa a metapisikal a panagsagana a miting para kadagiti miembroyo mabalinda a nabunga. Mabalinyo a pagsasaritaan iti lektyurer ti kasasayaatan a pamay-an a makipartisipar iti miting: iti personal, babaen iti telepono, wenno awag iti video.

• Ti maysa a miting ti bunga agraman dagiti miembros kalpasan ti lektyur mabalin a maysa nga oportunidad a saksian ti nagtultuloy a trabaho ti panangagas nga agkakaddua. Pangaasi ta ibingay iti lektyurer met! Uray pay ti no ania, agpapan no naaddaan ti maysa a napili a miting, ti madama a kararagyo ken panangannad para kadagidiay immay iti lektyur wenno dagiti nasagid iti sumagmamano a wagas, isuda adu unay ti pakausaranna, ken nabunga.

• Ania a kita iti agdengngeg ti kayatyo a danonen agraman ti lektyurer (sapasap, pagadalan, organisasion ti kolehio, dagiti grupo ti agtutubo, dagiti pagbaludan ken dagiti balud, dagiti pasilidad a managaluad ti Siensia Cristiana, dagiti paglakuan ti libro wenno salun-at, grupo dagiti agsasabali iti pammati ken dadduma pay)? Ania dagiti wagas tapno nasamay a danonen (kalpasan) ken suroten (kalpasan ti lektyur) agraman dagitoy a nagdengngeg?

• Dagiti titulo ti lektyur mabalin a masarakan iti Search lectures by title para iti napasnek a kararag a panagpiliyo. Ti impormasion iti kinatao ti lektyurer ken ti kalendario dagiti nakailistaan ti maaramid a lektyur addada kadagiti panid iti Meet the Lecturers. Iti panangited iti konsiderasion kadagiti lektyurer, pangaasiyo ta maysa laeng ti kontakenyo iti maysa a tiempo.

• Nagagar dagiti lektyurer a mangammo ken mangilawlawag kadakayo dagiti kalat para iti mapasamak – ania ti mariknayo nga iaw-awag ti Dios kadakayo a maileppas daytoy a tiempo, ti lokasion ken petsa, uray no ania a rebbengen para iti panagatendar, ken dadduma pay. Ti umuna a pannakisao isu ti kasayaatan a tiempo tapno damagen ti maipanggep iti bayad ti lektyurer ken posible a magastos, kasta met ti panangammo iti ania a kasapulan ti lektyurer kas koma ti lamisaan/podium, tipo ti sistema ti uni ken mikropono, pakaisuratan ti masapul nga ammuen, tugawan, ken dadduma pay. Appresiaren ti lektyurer a mangammo iti ania a baro a panangpasayaat, dagiti asikasuen, wenno dagiti masapul a rumssua bayat iti panagplano. Makikarkararagda kadakayo iti tunggal aldaw!

• Inton agpilikayo iti lokasion para iti mapasamak, mabalin nga importante a mapan bisitaen ti pasilidad, ikeddeng no kasano ti kalakanto para kadagiti agatendar a mangbirok ti lokasion ken ti kuarto iti uneg ti pasdek, ken ania a klase ti masangbayan a pagparadaan a mabalin a gun-oden. Kasano ngata a mabirokan dagiti agatendar ti lokasion iti publiko a pagluganan? Ipalubos ngata ti pasilidad dagiti seniales wenno table a nasuratan kadagiti pagunegan?Ania a klase ti sistema ti uni ti magun-od? Adda ngata iti wagas a mabalin a direkta a masuportaran iti lektyur nga aktibidad ti pasilidad/organisasion iti proseso?

• No saan pay a naisagana iti pakaangayan, mabalin a mausar unay iti panangabang iti mayakar-akar a sistema ti uni. Siguradoen a testingen ti wireless a mikropono sakbay ti aldaw ti lektyur ken mangitugot iti sobra a bateria ti mikropono!

• Maysa a lokal a CSO (Organisasion ti Siensia Cristiana) iti kaasideg a kolehio wenno unibersidad ti mabalin met a mangkayat a mairaman. Nalabit a mabalin nga itandudo dagiti miembro ti CSO ti lektyur iti pagadalan wenno mangikeddengda iti maysa a lektyur kadakuada yantangay adda pay iti ili ti lektyurer. Mabalin met a mabenepisiaran dagiti sabali pay a sanga ti simbaan wenno sociedad iti disso/rehionyo babaen iti panangammo a nasayaat iti nasapsapa iti planoyo a mangala iti lektyurer tapno mabalinda met a planoen ti mapasamak para kadakuada ken mabenepisiaran iti panagbingay iti bayad ti panagbiahe.

• Ania a literatura ti planoyo nga ilako wenno ited iti lektyur? Mabalin nga adda ti adu unay a bilang iti pananggatang iti adu a kopia ti Biblia, Science and Health with Key to the Scriptures [Siensia ken Salun-at agraman Tulbek kadagiti Eskriptura], ken dagiti periodikos babaen iti Reading Room wenno babaen iti panangkontak iti orders@csps.com.

• Siraragsak a makitrabaho kadakayo ti lektyurer iti nasapsapa iti aldaw ti lektyur tapno pasayaaten ti maitutop a panangiyam-ammo.

• Aduda dagiti agatendar nga agyaman unay a maaddaan ti oportunidad a makagatang wenno maitdan iti kopia ti Biblia ken Science and Health [Siensia ken Salun-at] wenno dadduma pay a materiales kas koma ti periodikos ti Siensia Cristiana kalpasan ti lektyur. (Irekomendarmi a no mabalinto a magun-od dagiti kopia iti Siensia ken Salun-at, mabalin met koma a magun-od dagiti kopia ti Biblia. Adda dagiti sumagmamano a tattao nga awanan uray maysa, ket gagangay kadatayo a denominasion ti Cristiano a mangaramid kadakuada a mabalin a magun-od agraman ti Siensia ken Salun-at.)

• No kayatyo a mangibingay ti maysa a nalawag nga artikulo manipud iti maysa a periodiko, kitaen ti Pammalubos a paset iti kopia iti warnakan. Iti kadawyan, saan a ngumato iti sangagasut ti maipalubos a maiimprinta manen iti uray ania nga artikulo nga awan pammalubos. Amin a dayaw nasken a taginayonen. No kayatyo a mangaramid iti ad-adu pay ngem sangagasut a kopia wenno kasapulan ti ad-adu pay nga impormasion, ag-email iti copyright@csps.com para iti pammalubos.

• Addanto ngata mayawat a polietos a maipanggep ti lokal a rekursos ti Siensia Cristiana: impormasion maipanggep iti simbaan, Reading Room, christianscience.com ken website ti sanga a simbaan, ken dagiti masungad a lektyur? Adu dagiti agatendar a baro iti Siensia Cristiana ti mangapresiar a mangammo no kasanoda a makontak ti sanga a simbaan agraman dagiti saludsod wenno agbirok pay iti ad-adu iti online iti balayda.

• Maysa pay a pagpilian, isu ti panangisagana iti papel a pagsuratan dagiti bisita para iti agtultuloy a kontak kadagiti baro a nagatendar.

Adu unay dagiti pagpilian a pannakaiwaragwag ken pannakaiwarnak iti tunggal komunidad. Siwayawayakayo a mangkontak ken ni Tara Talbot iti opisina ti Hunta iti Lektyursip tapno pagsasaoan ti sumagmamano nga ideya: talbott@csps.com wenno +1 617 450 3428.

Dagiti sumagmamano a lektyur addaanen kadagiti mangiwaragawag a materiales a mabalin a magun-od tapno ibingay kadagiti sanga. No ikeddengyo a mangaramid iti kukuayo disenyo a mismo, pangaasi ta makitrabahokayo a direkta iti lektyurer sakbay nga iimprinta, iwarnak, wenno iwaras iti uray ania.

Iti aldaw ti lektyur, mabalin nga adda dagiti adu a bambanag a maaramid a masapul a panunoten. Ti aktibo a panagkararag a suporta iti aldaw isimpananto amin a bambanag iti husto a tugot, a salaknibanna ti pakaitengngaan ti panunot iti maysa ken kakaisuna a pudno a gapu iti amin a naimbag, a saksakupenna ti sibubukel a komunidad iti nasantuan a mensahe, ken isawsawang ti gagangay nga ayat a bunga iti daytoy napasnek a naitengngaan ti panunot iti tunggal agatendar ken lumablabas.

Dagiti sumaganad isuda dagiti suhestion a napaneknekan a makabenepisio a palagip. Mabalin daytoy a tumulong tapno dutokan dagiti miembro ti simbaan tapno:

• Isagana ken iserra ti pasilidad a pagmitingan.

• Ibiahe ti lektyurer a mapan ken manipud iti pakaangayan ti pasamak.

• Kumuyog kadagiti pagunegan iti pasilidad, iti paradaan, ken uray pay iti kaasitgan a punto ti publiko a pagluganan.

• Naananay a panangpadas iti sistema ti uni agraman ti lektyurer.

• Mangted iti agaywan kadagiti ubbing.

• Agbantay iti lamisaan dagiti literatura.

• Mangyam-ammo ti lektyurer iti panangyam-ammo a pinalubosan ti lektyurer.

• Mangited ti bayad iti lektyurer.

• Idinto ta naileppas ti pasamak, agtultuloy ti panangibingay ken pannakapasalun-at.

• Anusan a sarungkaran dagiti baro a bisita iti listaanyo wenno dagiti dadduma pay a miembro ti komunidad (agraman dagiti kontak iti media) a nakikontakam idi bayat ti panangisagsaganayo iti lektyur, tapno pasayaaten ken padakkelen iti madama a relasion.

• Tapno agrag-o nga agmaymaysa ti entero a miembros, mabalin a nasaysayaat nga agangay iti miting ti bunga ken ibingay dayta a bunga iti lektyurer.

• Agraman amin a kararag, panagplano, ken ayat a naisawang, nangyaplagka iti napigsa a pundasion para kadagiti bendision nga umay iti madama nga aktibidades iti simbaan,agraman ti sumaruno a lektyur! Salamat!

Telepono
+1 617 450 3669 (Ingles ken Pranses laeng)

Email
lecture@christianscience.com (mabalin ti uray ania a lengguahe)

Pangipatulodan ti Surat
Board of Lectureship, P07–10
The First Church of Christ, Scientist
210 Massachusetts Avenue
Boston, MA 02115
USA